"Интер" Санчес билан 3 йиллик шартнома имзолади

“Интер” клуби бош директори Жузеппе Маротта чилилик ҳужумчи Алексис Санчес билан тўлақонли шартнома имзоланганини эълон қилди.

“Санчеснинг трансфери ҳақида эртага расман эълон қиламиз. У энди “Интер”га тегишли. Биз Алексис билан 3 йиллик шартнома имзоладик. Биз унга ишонамиз, Санчес жамоамизнинг етакчи футболчиларидан бирига айлана олади. Ушбу келишув амалга ошганидан жудаям хурсандмиз”, - дейди Маротта.

31 ёшли Санчес ўтган мавсум “Интер”да ижара асосида ўтказди ва 29 та ўйинда майдонга тушиб, 4 та гол ҳамда 10 та голли узатмага муаллифлик қилди.