"Интер" ва "Милан" бир футболчи учун курашади

Донецкнинг “Шахтёр” клуби ҳимоячиси Исмоил фаолиятини Италия А Сериясида давом эттириши мумкин.

Calciomercatoweb нашри тарқатган хабарга кўра 29 ёшли бразилиялик футболчига “Интер” ва “Милан” клублари жиддий қизиқиб қолишган. Айтиш лозимки унинг “кончилар” билан имзолаган шартномаси 2023 йилга қадар тузилган ва унга кўра товон пули миқдори 100 млн еврони ташкил этади.

Маълумот учун, Исмоил “Шахтёр” сафида 2013 йилдан буён тўп суриб келмоқда. У жорий мавсум 33та ўйинда майдонга тушиб, ўз ҳисобига 2та гол ҳамда 12та голли узатма ёздириб қўйишга эришди.