"Интер" ва МЮ келишувга эришди

"Интер" Эшли Янг трансфери бўйича "Манчестер Юнайтед" билан келишувга эришди.

Италиялик журналист Фабрицио Романо хабарига кўра, "нерадзуррилар" фахрий футболчи учун МЮга 1,5 миллион евро тўлашади.

Яқин бир неча кун ичида "Манчестер Юнайтед" сардори "Интер"да тиббий-кўриқдан ўтиши керак бўлади.

Жорий йилнинг ёзида "қизил иблислар" билан шартномаси якунланадиган футболчи ушбу мавсумда клуб сафида 18 та ўйинда майдонга тушиб улгурди.