Интернетда "Реал"нинг янги мавсум асосий либоси сурати пайдо бўлди (ФОТО)

Footy Headlines портали “Реал” Мадриднинг келаси мавсум учун уй либоси суратини эълон қилди.

Бу сафарги либос анъанавий оқ рангда тайёрланган, елка қисмида оч бинафша рангли чизиқлар мавжуд. Янги экипировка ҳам “Реал”нинг техник ҳамкори ҳисобланган Adidas компанияси томонидан ишлаб чиқарилган.

Эслатиб ўтамиз, “Реал” 28 турдан сўнг Ла Лига мусобақа жадвалида 66 очко билан пешқадамлик қилмоқда. Карло Анчелотти бошчилигидаги жамоа ПСЖни мағлубиятга учратган ҳолда Чемпионлар лигаси чорак финалига йўлланмани қўлга киритди.