"Интер"ни чемпион қилган футболчилар ёзда сотиб юборилади

Corriere dello Sport нашри тарқатган хабарга қараганда, "Интер" ёзда Ромелу Лукакуни сотиб юборади.

"Нерадзуррилар"нинг бундай қарорга келишига клубдаги молиявий қийинчиликлар юзага келгани сабаб бўлган. Айтиш лозимки, миланликлар бельгиялик ҳужумчидан ташқари Лаутаро Мартинес, Ашраф Хакими ва Алессандро Бастони каби футболчилари билан ҳам хайрлашмоқчи.

Айрим манбаларга кўра, Лукакуга "Челси" ва "Манчестер Сити"дан жиддий таклифлар бор. "Интер" раҳбарияти унинг трансферидан 120 миллион евро ишлаб олишни кўзламоқда.

Лукаку жорий мавсум “Интер” сафида жами 42 та ўйинда майдонга тушди. У ушбу учрашувларда рақиблари дарвозасига жами 28 та гол урди.