“Интер”нинг очкўзлиги “Барса”ни қийнаяпти

“Интер” раҳбарияти Лаутаро Мартинесни бермай “Барса”ни қийнамоқда. Каталонияликлар ўзлари орзу қилган футболчини олиш учун турли вариантларни таклиф қилмоқда. Лекин миланликлар ҳам оёқ тираб туриб олган.

“Барселона” Лаутаро билан барча шартларни келишиб олган. Футболчининг ўзи ҳам Каталонияга ошиқмоқда. Лекин “Интер” уларни бирлашишига йўл қўймаяпти.

Сўнгги маълумотларга кўра, “Интер” бу футболчи учун 90 миллион евро ва ҳимоячи Хуниор Фирпони сўрамоқда. Миланликлар “Барселона”нинг 50 миллион ва иккита футболчи бериш таклифини рад қилди.

Энди “Барселона” қўшимча маблағ топиш учун Коутиньони бақувват клубга сотишни мўлжаллаяпти. Бразилиялик футболчининг трансфер нархи 120 миллион евро атрофида. Лекин айни пайтда бу пулни ҳеч ким бермайди. Ҳатто Коутиньонинг маҳоратини ўз кўзи билан кўрган “Бавария”га ҳам бу трансфер ҳаддан зиёд қимматлик қилгани боис, мюнхенликлар тинчгина футболчидан воз кечиб қўя қолди.

“Бавария”да сўнгги ўйинини ўтказган Коутиньо “Барса”га қайтмоқда