Ираола: "Ливерпуль" икки футболчи билан шартнома тузди, лекин яна кўпроқ трасфер керак"

"Ливерпуль"нинг янги бош мураббийи Андони Ираола жамоанинг трансфер сиёсати ҳақида фикр билдирди.

Ёзги трансфер ойнасида "қизиллар" таркибига 20 ёшли марказий ҳимоячи Жереми Жаке ва 22 ёшли ярим ҳимоячи-вингер Виктор Муньос қўшилди. Бироқ клубнинг бозордаги фаолияти шу билан чекланмаслиги айтилмоқда.

"Ҳозирча икки футболчи билан шартнома имзоладик, лекин бизга яна кучайиш кераклигини яхши биламиз. Клуб трансферлар устида ишлаяпти. Албатта, мураббий сифатида барча янги футболчилар жамоага биринчи кунданоқ қўшилишини истардим, лекин амалда бундай бўлмаслигини тушунамиз. Шунинг учун янги келишувлар устида жиддий меҳнат қиляпмиз", – дея Андони Ираоланинг сўзларини Anfield Sector келтиради.

Эслатиб ўтамиз, Андони Ираола ёз бошида ишдан бўшатилган Арне Слот ўрнига "Ливерпуль" бош мураббийи этиб тайинланган эди.