Ирландиялик боксчи оиласи учун жаҳон чемпионлигидан воз кечмоқчи!

IBF йўналиши бўйича иккинчи ярим енгил вазн тоифасида жаҳон чемпиони, ирландиялик Энтони Какаче (23-1, 8 КО) оиласига моддий ёрдам бера оладиган машҳур рақиблар билан жанг қилиш учун чемпионлик унвонидан воз кечганини айтди.

“Жаҳон чемпиони бўлиш орзуим рўёбга чиқди ва ақл бовар қилмайдиган фахр лаҳзаларини бошдан кечирдим. Бироқ, фаолиятимнинг ушбу босқичида менга пул келтирувчи катта жангларни хоҳлайман. Мақсадим - оиламнинг келажагини таъминлаш. Кейинги жангимни интизорлик билан кутяпман" - деб ёзади ирландиялик ижтимоий тармоқларда.