Ишончли ҳисобда ғалаба қозонган "Насаф" гуруҳ пешқадамига айланди!

Осиё чемпионлар лигаси 2-туридан ўрин олган "Насаф" - "Ал-Веҳдат" учрашуви якунига етди. Мазкур баҳсда "аждарлар" 2:0 ҳисобида рақибдан устун келди. 

Дастлаб Баҳром Абдураҳимовнинг узатмасидан сўнг Марко Станоевич "аждарлар"ни ҳисобда олдинга олиб чиқди. Сўнг яна ўша Станоевич пенальтидан унумли фойдаланиб, ҳисобни 2:0 кўринишига келтириб қўйди!

Шу тариқа, "Насаф" ҳисобидаги очколари сонини 4 тага етказиб олди. Иорданияликлар ҳисобида 1 очко мавжуд. 

• 90+3'
  

  Учрашув якунланди. "Насаф" рақибини 2:0 ҳисобида таслим этди. Ғалаба муборак, юртдошлар!!!

• 90'

  Асосий вақтга 3 дақиқа вақт қўшиб берилди.

• 88'
  

  Ойбек Бозоров ўрнига Мурод Раҳматов баҳсга қўшилди.

• 85'
  

  ГООООООООООЛ! Станоевич пенальтидан унумли фойдаланиб, ҳисобни 2:0 кўринишига келтириб қўйди!!!

• 84'
  

  "Насаф" фойдасига пенальти белгиланди!!!

• 80'
  

  Вакилларимиз бурчак зарбасидан тўпни ўйинга киритади.

• 76'

  Нуруллоевнинг зарбаси ноаниқ кўриниш олди.

• 72'

  Ҳозиргина захирадан ўйинга қўшилган Баҳром Абдураҳимовнинг узатмасидан сўнг Марко Станоевич "аждарлар"ни ҳисобда олдинга олиб чиқмоқда.

• 72'
  

  ГОООООООООООЛ! "Насаф" ҳисобни очмоқда! 

   

• 69'
  

  Акмал Мозговойга сариқ карточка кўрсатилди.

• 66'

  Аҳмад Самирнинг зарбасидан сўнг тўп дарвоза тўсинига тегиб, майдон ташқарисига чиқмб кетди.

• 65'

  Хакам Алибек Давроновни оғзаки тарзда огоҳлантирмоқда.

• 62'

  Аҳмад Самирнинг кучли зарбасини Абдувоҳид Неъматов бартараф этишга муваффақ бўлди.

• 61'

  "Ал-Веҳдат" яқин масофадан жарима зарбаси тепиш ҳуқуқига эга бўлмоқда.

• 58'

  Учрашувда темп бироз пасайди.

• 55'

  Вакилларимиз секин-аста рақиб жарима майдони олдида хавфли вазиятлар сонини ошириб бормоқда.

• 53'

  Марко Станоевичнинг узоқдан йўллаган зарбасига яна аниқлик етишмаяпти.

• 51'

  "Аждарлар" иккинчи бўлим илк дақиқаларини ўз устунлиги остида ўтказмоқда.

• 48'

  Хусайн Норчаев қанотдан рақиб жарима майдонига ёриб кирди ва зарба йўллади. Лекин дарвозабон тўпни майдон ташқарисига чиқариб юборди.

• 46'
  

  Иккинчи бўлимга старт берилди.

• 45+1'
  

  Биринчи тайм якунланди. Ҳозирча учрашувда ҳисоб очилмади - 0:0.

• 45'

  Биринчи бўлимга 1 дақиқа вақт қўшиб берилди.

• 41'

  "Насаф"нинг ҳужумларига аниқлик ва озроқ кескинлик етишмаётгандек туюлмоқда.

• 38'

  Умар Эшмуродовга нисбатан кескин қўполлик ишлатилди. Хакам ҳозирча сариқ карточка кўрсатишга шошилмаяпти.

• 34'

  "Аждарлар" ўз жарима майдонида босим остида қолмоқда.

• 32'

  Дилшод Саитовнинг зарбаси анча ноаниқ кўриниш олди. 

• 30'

  Рақиб дарвозабонининг пасидан сўнг тўпни эгаллаб олган Мозговой Бозоровга зарба бериш имконини тақдим этди. Аммо Ойбекнинг зарбаси тўғри рақиб посбонининг қўлларига бориб тушди.

• 27'

  Фоллар бўйича 6:1. Бу борада ҳамюртларимиз олдинда бормоқда.

• 24'

  Тўп назорати бўйича устунлик иорданияликлар томонида: 42га 58 фоиз.

• 20'

  "Ал-Веҳдат" футболчисининг бош билан берган зарбаси хавфли кўриниш олди. Тўп дарвоза ёнидан майдон ташқарисига чиқиб кетди.

• 17'

  Ойбек Бозоровнинг зарбасини рақиб посбони қайтариб қолди. Қайтган тўпга Норчаев зарба беришга улгурмади.

• 16'

  Акмал Мозговойга нисбатан ўйин қоидаси бузилди.

• 13'

  Энди "Насаф" позицион ҳужум амалга оширяпти.

• 10'

  Иордания клуби футболчилари майда паслар билан вакилларимиз мудофаасини ёриб ўтмоқчи.

• 6'

  Шароф Муҳитдиновнинг зарбасига аниқлик етишмади.

• 5'

  Рақибларимиз жарима зарбасидан тўпни ҳаволатиб, "Насаф" дарвозаси олдигача олиб борди. Бироқ ҳимоячиларимиз ўз ўрнида.

• 3'

  "Ал-Веҳдат" жамоаси дастлабки дақиқаларда тўп назоратига эгалик қилмоқда.

• 1'
  

  Учрашувга старт берилди. 

• 0'

   ОЧЛ 2-туридан ўрин олган "Насаф" - "Ал-Веҳдат" ўйини старт олади. Мазкур учрашувдан матнли трансляцияни сайтимиз орқали томоша қилишингиз мумкин.