Иско ҳам кетди

"Реал" клуби ярим ҳимоячиси Иско жамоани тарк этди. Бу ҳақда футболчининг ўзи инстаграмдаги саҳифасида эълон қилди.

Испаниялик хавбекнинг "қироллик клуби" билан тузган шартномаси шу йилнинг ёзигача амал қиларди. У мадридликларни эркин агент сифатида тарк этмоқда.

Иско «Реал» сафида 19 соврин ютди. Энг салмоқлилари Европа Чемпионлар лигасида 5 бор, Ла Лигада 3 марта ғолибликка эришди.

Ярим ҳимоячи жорий мавсум Испания чемпионатида 14 бор майдонга тушиб, бир марта дарвозани ишғол қилди.