Ислом Махачев Чарльз Оливейра ва Бенеил Дариуш жанги ғолиби борасида ўзи фикрини билдирди

Енгил вазнда UFC чемпиони россиялик Ислом Махачев ушбу вазнда собиқ чемпион бразилиялик Чарльз Оливейра ва америкалик Бенеил Дариуш ўртасидаги бўлажак жанг ҳақида ўз фикрларини билдирди.

“Умид қиламанки, Бенеил Дариуш Чарльз Оливейрани мағлуб этади, чунки кейинги рақибим ҳали мен билан жанг қилмаган одам бўлишини хоҳлайман. Менга янги чақирув, янги рақиб керак, шунинг учун мен Бенеил билан учрашишни хоҳлайман.

Умид қиламанки, у эртага Оливейрани мағлуб этади. Ростини айтсам, у буни қила олади деб ўйлайман ", - деди Махачев.

Эслатиб ўтамиз, Оливейра ва Дариуш ўртасидаги жанг бугун оқшом Ванкуверда (Канада) "UFC 289" турнирининг 2- марказий жанги доирасида бўлиб ўтади.