Ислом Махачев Ҳабиб Нурмагомедов даражасига чиқа оладими? Ўзбекистонлик мутахассислар жавоб берди

Ҳозирги кунда UFC оламида энг кўп гап-сўзларга сабабчи бўлаётган жангчи Ислом Махачев десак, янглишмаган бўламиз.

Ҳа, уни Ҳабиб Нурмагомедовнинг издоши ва керак бўлса, ундан ҳам юқори даражадаги жангчи дея эътироф этишмоқда. Марҳум Абдулманнап Нурмагомедовнинг ҳам унга бўлган ишончи юқори эди.

Ислом сўнгги жангида бразилиялик Тьяго Мойзесни мағлуб этиб, енгил вазн тоифаси рейтингида кучли бешликка кўтарилиб олди ва у яқин вақтлар мобайнида чемпионликка расман даъвогар бўлишига шубҳа йўқ.

Биз ўзбекистонлик ММА жангчилари, мураббийлардан Ислом Махачев борасидаги фикрлари билан қизиқдик. Яъни, уларга "Махачев Ҳабиб Нурмагомедов даражасидами ва енгил вазн тоифаси чемпиони бўлишга қодирми?", деган савол билан мурожаат қилдик.

Қуйида билдирилган фикр ва мулоҳазаларни эътиборингизга ҳавола этамиз.

Комранбек Артиков – RFC промоушени раҳбари

- Ислом Махачев катта ўсишга эришаётган жангчи ҳисобланади. Қолаверса, у “стойка”да ҳам ёмон кўринмайди. Нокаутлар ҳам қайд этмоқда. Кураши ҳақидаку гапирмаса ҳам бўлади. Машғулотларда Ҳабиб Нурмагомедовни фақатгина Махачев йиқита олади, деган маълумотлар ҳам борку. Қолаверса, Абдулманнап Нурмагомедов ҳам бу шогирдида улкан иқтидор бор эканлигини ҳар доим таъкидлаб келарди. Лекин енгил вазн тоифасида чемпион бўла олиши, Ҳабиб Нурмагомедов даражасига кўтарилиши борасида бирор бир фикр билдира олмайман. Чунки енгил вазн тоифасида жуда жиддий рақобат мавжуд. Гэтжи тобора кучайиб бормоқда. Олийвера, Порье оддий рақиблар эмас. Чендлерни ҳам таъкидлаб ўтган бўлардим.  Чендлер аввалги сафар шунчаки ўзини айби билан мағлуб бўлганди. Умумий тарзда айтадиган бўлсам, Махачев ушбу жангчиларга жиддий рақобат қила оладиган даражада.

кемран ака

Жаҳонгир Қорабоев – мураббий

- Ислом Махачев иқтидорли ва келажаги порлоқ спортчи эканлигига шубҳа йўқ. Бироқ, у Ҳабиб Нурмагомедов даражасида, деб ўйламайман. 29-0 оддий натижа эмас. Лекин вазн тоифасида UFC чемпиони бўла олади, деган фикрдаман.

жахонгир ака

Фаррух Мадаминов – мураббий

- Ислом Махачев Ҳабибни рекордини такрорлай олмайди. Қолаверса, Махачевда битта мағлубият ҳам бор. Бироқ, даража томонлама у Ҳабибни такрорлай олмоқда. Яъни, жанг олиб бориш услуби, “класс” борасида Нурмагомедовга деярли тенглашиб қолди. Ҳар томонлама мукаммал кўринишга келмоқда. Ўйлайманки, унга дивизионда Чарльз Олийвера жиддий қаршилик кўрсатиши мумкин. Қолган барча топ жангчиларни юта олади. Яқин вақтлар эмаску, узоғи икки йилда у енгил вазн тоифаси чемпиони бўлади.

фаррух1

Беҳзод Жиянов – мураббий

- Махачев жуда кучли ва юқори савиядаги жангчи. Бироқ У Ҳабиб бўла олмайди. Ҳабиб даражасига чиқа олиши қийин. Аммо, у вазн тоифаси чемпиони бўлиши мумкин. Бу борада унга мухлислик қиламан ва омад тилайман!

бехзод ака

Жасур Алижонов – мураббий

- Ислом Махачев ўзига хос истеъдодли спортчи. Барча жангчиларнинг ўзига яраша кучли жиҳати бўлади. Кимдир Ҳабибдан кучли дейди, яна кимлардан аксинча фикр билдиради. Ҳозирда Ислом  Ҳабиб Нурмагомедов амалга оширган ишларни қилмоқда. Лекин Ҳабиб эришган натижаларни қайд эта олмаган. Демоқчиманки, унинг Ҳабиб даражасига чиқа олиши ёки у эришган натижаларни қайд этишини вақт кўрсатади. Ва яна шуни алоҳида таъкидлаб ўтмоқчиманки, Махачев чиройли натижалар қайд этиб, Ҳабиб каби бўла олишга қодир!

жасс (1)

Амин Эргашев – ММА жангчиси

- Махачев сўнги жангини режадагидек олиб борди ва якунда ишончли ғалабани қўлга киритди. Уни Ҳабибдан кучли эканлиги шунчаки гап-сўз холос. У ҳали, Ҳабиб каби кучли эмас. Нурмагомедов даражасига чиқишига бироз бор. Сўнги жангини ҳам ишончли тарзда ютди. Бироқ, у ҳозирча Жастин Гэтжи, Дастин Порье ва Чарльз Олийвера билан жанг қилишга тайёр эмас. Тайёр бўлади, лекин бунга вақт керак. Камида 1.5-2 йилдан сўнг, у барчаси билан жанг қила оладиган даражага етади. Чунки унда тўғри йўналиш йўлга қўйилган. У билан Ҳабиб Нурмагомедов ажойиб тарзда ишлаяпти. Насиб қилса, яқин келажакда у барча ижобий натижаларни қайд этган ҳолда чемпион бўлади.

Аминбек

Суҳроб Рўзиматов – Ўзбекистон К-1 федерацияси бош котиби

- Махачев жуда талантили керак бўлса, Ҳабибдан ҳам кучли жангчи. Мархум Абдулманнап Нурмагомедов ҳам бекорга унга катта ишонч билдирмаган. Унинг чемпион бўлишига шубҳа қилмайман.

суха

Ҳусниддин Ғаниев - ММА жангчиси

- Ҳа, унинг Ҳабибдан устун жиҳатлари бор. Яъни, стойка"да Нурмагомедовдан яхшироқ ҳаракат қилади. Кураши ҳам қолишмайди. Ҳабибдан кўра, ранг-баранглик кўпроқ. Қолаверса, кардиоси ҳам ажойиб. У чемпион бўлади.

хусниддин

Мавлуд Тифиев – профессионал муайтай, К-1 жангчиси

- У албатта чемпион бўлади. Чунки “класс” борасида рақибларидан бир бош устун. “Устоздан ўтмаган шогирд, шогирд эмас”, деган нақл бежизга айтилмаган. У ҳозирда устозлик қилаётган Ҳабиб Нурмагомедовдан ҳам яхши натижалар қайд этади. Чунки унинг спарринг шериклари ҳам жуда кучли... Қолаверса, Ҳабибнинг ўзи билан ишламоқда. Қўл ва оёқда ҳам жуда яхши ҳаракат қилади. Кураш борасида дивизиондагилардан анча устун. Хуллас, унинг барчасига эришиш учун имконияти бор.

мавлуд_1

Фаёз Шомуродов – ММА жангчиси

- Ҳабиб Нурмагомедов даражасига чиқиши жуда қийин. Унинг сўнги жангидаги рақиби нисбатан кучсиз эди. Навбатдагилари осон рақиблар бўлмайди. Енгил вазн тоифасида жуда кучли атлетлар йиғилган. Шунинг учун Махачевга осон бўлмайди.

фаёз

Ҳумоюддин Мухторов – ММА жангчиси

- Ислом Махачев яхши савиядаги ажойиб жангчи. Уни келажакда улкан муваффақиятлар кутиб турибди. Бироқ, Ҳабиб даражасига чиқиши учун ҳали, вақт керак бўлади. Аммо унда бу марраларни яъни, UFC чемпиони бўлиш ва ҳозирги устози Ҳабиб Нурмагомедов каби бўлиши учун етарли асос ва салоҳият бор. Айниқса, Ҳабибнинг ўзи устозлик қилаётгамни ҳам уни вазн тоифаси чемпиони бўлиши учун асосий сабаб бўлади, деган фикрдаман.

хумонбек

Ҳумоюн Маҳкамов – ММА жангчиси

- Барча Ислом ҳақида гапираётганлиги ҳам унинг қандай кучга эга эканлигини англатади. Ҳабиб Нурмагомедов ҳам унинг чемпион бўлишига ишонмоқда. Энг асосийси мураббийи унга катта ишонч билдираяптими, демак унда чемпион бўлиш имконияти бор. Исломга эса нафақат Ҳабиб балки афсонавий мураббий Абдулманнап Нурмагомедов ҳам юқори баҳо берган ҳолда, келажак чемпиони, деб атарди. Якуний фикрим яқин йилларда у вазнидаги барча кучли рақибларни мағлуб этиб, чемпионликни яна Доғистонга олиб келади.

хумош

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию