Ислом Махачев ва Илия Топурия ўртасидаги жанг аслида нима учун бекор қилинганди?

Енгил вазнда амалдаги UFC чемпиони Илия Топуриянинг менежери Малки Кава Ислом Махачев ва унинг жамоаси қўйган айбловларга жавоб қайтариб, "Матадор"нинг жангдан "ечилгани" ҳақидаги маълумотни рад этди.

"Чоршанба куни бизга Жастин Гэтжи ёки Ислом Махачев вариантини танлаш таклифи келиб тушди. Бироқ россиялик билан жанг қилиш учун сўралган суммани улар рад этишди.

Жума куни UFC янги таклиф билан қайтди (Оқ уйдаги турнир учун). Аммо бу вақтга келиб Махачев қўлидан жароҳат олиб, ўйиндан чиқиб кетганди.

Ислом ва Илия қарама-қаршилиги - эҳтимол UFC тарихидаги энг катта тўқнашувдир. Агар шундай бўлса, у UFC тарихидаги энг катта гонорарни олиши керак эмасми? Агар камроқ пулга рози бўлганимизда, ғирт аҳмоқлик бўларди. Биз 100 миллион сўрамадик, 50 миллион ҳам сўрамадик. Ўйлашимча, мутлақо оқилона суммани айтдик.

Шундай экан, бемаъни гапларни айтишни бас қилинг. Оқ Уйдаги турнирдан кейин биз бу жангни, албатта, ташкил этамиз.", - дея хулоса қилди Малки Кава.