Ислом Тўхтахўжаев "Қизилқум" билан шартнома имзолади

“Қизилқум” клуби бугун яна бир жиддий харидни амалга оширди.

Ўтган мавсумни Хитойнинг “Шеньян Урбан” клубида ўтказган Ўзбекистон миллий терма жамоасининг ҳимоячиси Ислом Тўхтахўжаев 2021 йилги мавсумни Навоийнинг “Қизилқум” клубида ўтказадиган бўлди. Бу ҳақида жамоа бош мураббийи Ҳамиджон Актамов sports.uz мухбирига маълум қилди. Бироз аввал футболчи билан расмий шартнома имзоланганини таъкидлади.

Ислом Тўхтахўжаевнинг ўзи ҳам яқинда sports.uzга берган интервьюсида Хитойга кетмоқчи эмаслигини ва фаолиятини бошқа клубда давом эттиришга яқин эканлиги ҳақида айтганди.

Кўриб турганингиздек, у “Қизилқум” билан келишувга эришди. Маълум бўлишича, футболчи янги клуби сафида 20-рақам остида тўп суради.

Эслатиб ўтамиз, Тўхтахўжаев фаолияти давомида юртимизда "Нефтчи" ҳамда "Локомотив" жамоаларида бир неча йил тўп сурган.