Исломжон Қобилов: "Бунёдкор" хотиржамликни кечирмайди

Бироз вақт олдин Тошкентнинг “Бунёдкор” клуби давралар оралиғида ўз таркибига қўшиб олган янги футболчиларни оммага таништирди.

Ушбу маросимдан сўнг, мавсумнинг дастлабки қисмини “Металлург” клуби сафида ўтказган Исломжон Қобилов SPORTS.uz интернет ахборот порталига жамоага келиб қўшилиши ва бош мураббий тўғрисидаги фикрларини билдириб ўтди.

– БАА ўтган Осиё чемпионати саралаш босқичидан сўнг, “Бунёдкор” сафига ўйинга қисқа муддат қолганда келиб қўшилдим. Бироқ, шундай бўлсада, бош мураббийнинг талабларини бажаришга ҳаракат қилдим.

– Жамоа таркибидага кам сонли номинал ҳимоячилардансиз.  Бу ҳолат асосий таркибга киришда учун рақобатда сизга хотиржамлик берадими?

– Бу “Бунёдкор” унда хотиржамликка берилиш мумкин эмас. Буни на жамоа, на Миржалол Қосимов кечирмайдилар ва  бунга йўл ҳам қўйиб берилмайди. Ўзим ҳам хотиржамликка берилмай мухлисларни қувонтиришга ҳаракат қиламан.

– Жамоадаги муҳит ҳақида нима дея оласиз?

– Жамоага қўшилганимга бир ҳафта бўлган бўлса, футболчилар ўртасида ажойиб муҳит ҳукм сурмоқда. Умид қиламанки, мана шундай ҳолат йил охиригача давом этади.