Испания кубоги. "Барса" йирик ҳисобда зафар қучган бўлса ҳам турнир билан хайрлашди

Испания кубоги ярим финал босқичининг жавоб баҳсида Ханс-Дитер Флик бошчилигидаги Барселона ўз майдонида Атлетико Мадридни қабул қилиб, 3:0 ҳисобида мағлубиятга учратди. Лекин каталонияликлар умумий ҳисоб бўйича ортда қолди ва турнир билан хайрлашди. 
 
"Барса" беллашувнинг 30-дақиқаcида стандарт вазиятдан унумли фойдаланиб, ҳисобни очишга муваффақ бўлди. Ламин Ямалнинг узатмасидан сўнг Бернал гол урди. 
 
Биринчи бўлимга қўшиб берилган дақиқаларда эса мезбонлар пеналти ишлаб олди ва ундан Рафиня унумли фойдаланиб, ҳисобни 2:0 кўринишига келтирди. 
 
Иккинчи бўлимнинг 72-дақиқасида Марк Берналь дублни расмийлаштирди ва жамоасининг учинчи голига муаллифлик қилди.