Испания терма жамоасининг собиқ бош мураббийи Ла Лига клубида иш бошлаши мумкин

Испания терма жамоаси собиқ бош мураббийи Роберто Морено фаолиятини Ла Лига клубида давом эттириши мумкин.

43 ёшли испаниялик мутахассис "Гранада" бош мураббийлиги учун асосий номзод сифатида тилга олинмоқда. Mundo Deportivo нашрининг ёзишича, Морено истеъфога чиқарилган Диего Мартинес ўрнини эгаллайди.

Морено Испания терма жамоасидан ташқари “Монако” клубини ҳам бошқарган. У 2020 йилдан буён ишсиз ҳисобланади. У шунингдек, "Рома", "Сельта" ва "Барселона" клубларида ассистент сифатида ишлаган.

"Гранада" ортда қолган мавсум Ла Лигада 9-ўринни эгаллади.