Испанияда Зиданнинг тез орада истеъфога чиқарилишига ишонишмоқда

Мадриднинг "Реал" клуби устози Зинедин Зидан Чемпионлар лигаси "Галатасарой"га қарши ўйиндан сўнг истеъфога чиқарилиши мумкин.

Mundo Deportivo нашрига кўра, "Реал" турк клубига мағлуб бўлган ҳолатда Зиданга чиқиш эшиклари кўрсатилиб қўйилади. "Сантьяго Бернабеу" рахбарлари эса янги мураббий излаш ишларини бошлаб юборишган. Улар Жозе Моуринью ва Массимилиано Аллегри номзодларини кўриб чиқишмоқчи.

Эслатиб ўтамиз, "Реал" чемпионлар лигаси "А" гуруҳида бир очко билан сўнгги ўринни эгаллаб турибди. Ла лигада эса "Барселона"дан бир очко ортда қолиб иккинчи ўринни банд этишган.