"Истиқлол" футболчиси аёл мухлисни қучоқлагани учун жаримага тортилди

Эрон футбол федерацияси Этика қўмитаси "Истиқлол" ҳимоячиси Рамин Ризоянни аёл мухлисани қучоқлагани учун 510 миллион Эрон риали (12 000 АҚШ доллардан ортиқ) миқдорида жаримага тортди.

"khabaronline.ir. порталининг хабар беришича, Эрон чемпионатининг 14-туридан ўрин олган “Чадормалу” – “Истиқлол” учрашуви олдидан мухлислардан бири меҳмонлар клуби автобусига кириб, ҳимоячи Рамин Ризоянни қучоқлаган. Учрашув 26 декабр куни бўлиб ўтган ва 0:0 ҳисобида якунланган.

Шундан сўнг, Эрон футбол федерациясининг Этика қўмитаси футболчини йиғилишга чақириб, воқеа ҳолатларига ойдинлик киритди. Учрашув натижасига кўра, футболчига "Спортга хос бўлмаган хатти-ҳаракати" учун 510 миллион Эрон риали (12 000 АҚШ доллардан ортиқ) миқдорида жарима шаклида санкциялар қўлланилди.

Рамин ҳозирда 34 ёшда. Ҳимоячи 2024 йилнинг июль ойида эркин агент сифатида "Истиқлол"га ўтган эди. Умуман олганда, у жамоа таркибида барча мусобақаларда 20 та ўйин ўтказиб, бешта гол урди ва битта голли узатмани амалга оширди. Ҳимоянинг ҳар бир чизиғида ўйнай оладиган футболчи Европада Туркиянинг “Ризеспор” ва Бельгиянинг “Оостенде” клубларида ўйнаган ва Эрон терма жамоасида 2015 йилнинг январида дебют қилган. Терма жамоа таркибида 65 та ўйин ўтказиб, 6 та гол урган ва 12 та голли узатмани амалга оширди. Хусусан, Тошкентда бўлиб ўтган Жаҳон чемпионати саралаши доирасидаги Ўзбекистон - Эрон баҳсида  Юсупов дарвозасини ҳам ишғол қилган эди.

Эслатиб ўтамиз, айни дамда Ўзбекистон терма жамоаси етакчиси Жалолиддин Машарипов ҳам "Истиқлол" аъзоси ҳисобланади. Легионеримиз яқинда теҳронликлар билан шартномасини узайтирди.