Италия клуби 17 ёшли қозоқ истеъдодига қизиқмоқда

«Қайрат» клуби таркибида тўп сураётган 17 ёшли ҳужумчи Даулет Оринбасарга Италиянинг «Комо» жамоаси қизиқиш билдиргани хабар қилинмоқда, дея ёзади Sports.kz нашри ASnews.kz манбасига таяниб.

«Қайрат» академияси тарбияланувчиси бўлган ёш вингер италиялик клуб кузатувидаги истеъдодлар кенг рўйхатига киритилган. Бир неча ой олдин Қозоғистон ёшлар терма жамоаси аъзоси ҳақида белгиялик скаут Тис Хойбергс батафсил ҳисобот тайёрлаган.

«Комо» мутахассиси алматиликлар тарбияланувчисининг гол уриш қобилияти ва майдондаги чаққонлигини юқори баҳолаган. Шу билан бирга, унинг жисмоний кўрсаткичларини камчилик сифатида қайд этган. Футболчининг бўйи 163 сантиметрни ташкил қилади.

Айни пайтда гап ёшлар жамоасига эҳтимолий ўтиш ҳақида бормоқда. Яқинда Даулет Ортнбасар «Қайрат-Жастар» сафидаги илк голини урди. У биринчи лиганинг 19-турида «Туран»га қарши ўйинда (4:0) захирадан майдонга тушиб, ҳисобга ўз ҳиссасини қўшди. Эслатиб ўтамиз, «Комо» жорий йилда ўз тарихида илк бор Чемпионлар Лигасида иштирок этади.