Италиянинг гранд клуби Антонини нишонга олди

Италиянинг "Ювентус" клуби "Реал Бетис" футболчиси ҳисобланган Антонини олиб келиш ҳақида ўйламоқда. 
 
"Fichajes" нашрининг маълумотига кўра, туринликлар бир неча кундан буён бразилиялик ҳужумчи атрофидаги вазиятни ўрганмоқда. Манбага кўра, Антони ҳали ҳамон бир қарорга келгани йўқ. Агарда футболчи жамоани тарк этмоқчи бўлса, италияликлар сотиб олиш учун энг асосий даъвогар ҳисобланади. 
 
Хабарингиз бор, испанияликлар ҳужумчини Англиянинг "Манчестер Юнайтед" клубидан мавсум сўнггига қадар ижарага олган эди. Бир неча кун олдин эса Антони янги клубида бахтли эканини, ўзини қулай ҳис этаётганини айтди. 

Маълумот ўрнида, 25 ёшли қанот ҳужумчиси "Бетис" сафида 6 та ўйинда майдонга тушиб, 3 та гол ва 2 та голли узатмага муаллифлик қилган. Унинг Тransfermarkt порталидаги нархи 20 миллион евро деб баҳоланмоқда.