Иван Бошкович: "Дастлабки голдан сўнг руҳий жиҳатдан ўзгаришлар бўлди"

Ўзбекистон Суперлигаси 8-туридан ўрин олган “Сўғдиёна” – ОКМК (1:2) учрашувидан сўнг мезбонлар устози Иван Бошкович ўз фикрларини билдириб ўтди.

“Учрашув оғир ўтди. Рақиб яхши шаклланган ва маҳоратли футболчилардан ташкил топган эди.

Ўтказиб юборилган дастлабки голдан сўнг руҳий жиҳатдан ўзгаришлар бўлди. Буни танаффусда яхшилашга ҳаракат қилдим. Рақиб тезкор қарши ҳужумларда бизни ушлашга ҳаракат қилди. Шундай бўлсада, беллашув сўнгига қадар ҳаракат қилдик.

Бугун уч ҳужумчи билан ўйнадик. Битта гол киритдик, ўйлашимча, ОКМК ҳақли ғалабага эришди”, – деди Бошкович.