Ихтиёр Ботиров юнон-рум кураши бўйича Осиё чемпионати финалига йўл олди

Хабарингиз бор, бугун юнон-рум кураши бўйича ёшлар ўртасида Осиё чемпионати старт олди. Мазкур турнирга Таиланднинг Чонбури шаҳри мезбонлик қилмоқда. Қувонарлиси, мусобақанинг биринчи куниданоқ ҳамюртларимиз ижобий натижани қайд эта бошлашди. Жумладан, 55 кг вазн тоифасида гиламга чиқаётган Ихтиёр Ботиров мезбон ҳамда ён қўшнимиз қозоғистонлик курашчиларни мағлуб этиб, Осиё чемпионати финалига йўл олди.