Жаҳлини бошқара олмайдиган Беллингем яна жазоланиши мумкин

"Реал" ярим ҳимоячиси Жуд Беллингем "Валенсия"га қарши ўйиндаги (1:2) мағлубиятдан сўнг дисквалификация қилиниши хавфи остида қолди.

 Англиялик футболчи якуний ҳуштакдан кейин майдонни тарк этаётган пайтда, жаҳл билан ВАР тизими монитори ўрнатилган конструкцияга оёғи билан тепган.

GOAL нашрининг хабарига кўра, Ла Лига қоидаларида ускуналарга нисбатан тажовузни жазолаш кўзда тутилган. Беллингем огоҳлантириш, жарима ёки 1 дан 3 ўйинларгача дисквалификация қилиш хавфи остида. 

Футболчини энг оғир жазолардан асраб қолиши мумкин бўлган жиҳат — ВАР монитори йиқилмагани ва кўринишига қараганда шикастланмаган.