Жаҳон чемпионатида ғалабага эришаётган Руслан Абдуллаевнинг мақсади ўша ўша

Тошкент мезбонлигида ўтаётган жаҳон чемпионати давом этмоқда. Бугун ҳамюртларимиз орасида биринчи бўлиб Руслан Абдуллаев ўз юришини бошлади.

Вакилимизга -63,5 кг вазн тоифасида Маврикий вакили Ричанро Колин рақиблик қилди. Русланнинг устунлиги остида ўтган жанг 5:0 ҳисоби билан якунланди.

Шу тариқа, Руслан Абдуллаев ушбу жаҳон чемпионатидаги учинчи ғалабасига эришди. Муваффақиятдан сўнг боксчимиз ўз фикрлари билан ўртоқлашди.

- Жанг жуда яхши бўлди. Ушбу мусобақадаги учинчи жангимда муваффақиятга эришдим. Энди 10 май санасидаги жангимда ҳам зафар қучишга ҳаракат қиламан. Кейинги рақибим франциялик боксчи.

Жангни эртароқ ҳам якунлашим мумкин эди. Лекин мураббийларимиз 3 раунд ишлашим кераклигини айтишди. Шунинг учун жангни тўлиқ ўтказдим. Мақсадим - жаҳон чемпиони бўлиш, - деди Руслан Абдуллаев.