Жаҳон чемпионатини ютган ғолиб UFC га ўтадими? Хабибнинг жамоаси Ўзбекистонга келиши ростми? Ушбу саволларга IMMAF президенти матбуот анжуманида жавоб берди

5-10 ноябрь кунилари пойтахтимиздаги муҳташам "Ҳумо" аренада ММА бўйича жаҳон чемпонати бўлиб ўтади. Ушбу нуфузли мусобақа олдидан IMMAF мутасаддилари, хусусан, ташкилот рахбари Керрит Браун иштирокида матбуот анжумани ўтказилди. Улар барчани қизиқтирган саволларга жавоб бериб ўтди.

"Ўзбекистонга келганимдан жуда хурсандмиз. Бу ер бизга ёқади. 

ММА ни оммалаштириш учун ҳаракат қиляпмиз. Ҳаттоки, бу учун мазкур мусобақадаги ғолибларга камар ҳам жорий этганмиз. 

Дана Уайт ва Шон Шелбини турнирга таклиф қилган эдим. Аммо улар жуда банд эканини билдириб, ўз узрларини айтиб юборишди. 

Хабиб Нурмагомедов ва унинг жамоаси мусобақага келиши мумкин эди. Бироқ лагерларда машғулотлар бошлангани боис бунинг имкони бўлмади.

ММА ни Олимпия ўйинларига киритиш ҳақида гапирадиган бўлсак, аввало, уни спорт тури сифатида тўлиқ тасдиқлатиб олшимиз керак. Шундан сўнг, кейинги қадамни босамиз.

Жаҳон чемпионатидаги ғолиблик спортчиларга UFC га ўтиш имконини бермайди. Аммо бу ютуқ жангчининг фаолиятидаги олдинга босилган катта қадам бўлади", - деди Керрит Браун.