Жаҳон кубоги. Мадияр Данияров италиялик рақибидан устун келди

Хабарингиз бор, 1 дан 5 апрелгача Бразилияда бокс бўйича Жаҳон кубоги мусобақаси бўлиб ўтади. Иккинчи кундан 3 нафар чарм қўлқоп усталаримиз рингга кўтарилиши режалаштирилган эди.

Ҳозиргина -60 кг да Мадияр Данияров ва Италия вакили Мишель Бальдасси жанги якунланди. Ҳамюртимизнинг устунлигида ўтган баҳс натижада ҳам ўз исботини топди. Тўлиқ давом этган тўқнашувда Данияров очколар эвазига ғалаба қозонди - 4:1.

Маълумот учун, олдинда бизни Асилбек Жалилов ва Нурзат Онгаров (Қозоғистон) қарама-қаршилиги кутмоқда. Ушбу жанг 2 апрель тахминан, соат 03:30 да (Ўзбекистон вақти билан) старт олади.