Жака: "Жезус биз учун жуда муҳим ўйинчи"

Габриэл Жезус жаҳон чемпионатининг 3-туридан ўрин олган Камеррунга қарши ўйинда жароҳат олиб, майдонни эрта тарк этганди. Маълум бўлишича, футболчи 2 ой давомида футбол ўйнай олмайди. Ушбу вазиятга унинг жамоадоши Гранит Жака реакция билдирди.

“Бу ёмон. Габриэл бизга қанчалик муҳим футболчи эканлигини биласиз. Мен у билан ўйин тугаганидан сўнг дарҳол боғландим. Жароҳат қанчалик жиддий эканлигини билмайман. Аммо у кучли йигит” – деди 30 ёшли ярим ҳимоячи.

Гранит эндиликда “Арсенал” ҳужумида Эдди Нкетиага имконият бериш кераклигини айтди.

“Бизда Эдди вариянти бор. У ўтган мавсумда ҳам ажойиб ўйинлар кўрсатди. Биз Нкетиани ҳам қўллаб-қуватлашимиз керак. Сабаби у энди ёш футболчи эмас. Мен клубга қайтишни интиқлик билан кутмоқдаман.”, - дея қўшимча қилди Жака.

Арсенални 27 декабрда премьер-лиганинг 17-туридан ўрин олган “Вест Хэм”га қарши учрашув кутмоқда. Жамоа жаҳон чемпионати давом этаётган пайтда “Лион”, “Милан” ва “Ювентус”га қарши ўртоқлик баҳсларини ўтказади.