Жамоасиз қолган Иско нега "Рома"га ўтишни хоҳламаяпти?

Испаниялик ярим ҳимоячи Иско "Рома"га ўтишдан бош тортди, деб хабар бермоқда AS.

Манбага кўра, “Реал”нинг собиқ футболчисини шахсан римликлар бош мураббийи Жозе Моуриньо кўндиришга уринган, бироқ уни ишонтиришнинг иложи бўлмаган. Гап шундаки, Иско ё Испанияда қолмоқчи ёки Чемпионлар лигасида ўйнайдиган клубга ўтмоқчи.

30 ёшли футболчи сўнгги 9 йилдан буён "Реал" шарафини ҳимоя қилиб келаётган эди. Бироқ 1 июль куни унинг “қироллик клуби” билан шартномаси ўз якунига етди ва шу боис у жамоани эркин агент сифатида тарк этди.