Jamolga jamoa topildi
“Chelsi” bosh murabbiyi Frenk Lempard 26 yoshli darvozabon Jamol Blekmanni Chempionship debyutanti “Roterem Yunayted” jamoasiga jo‘natib yubordi.
Londonliklar o‘z vaqtida Angliya yoshlar terma jamoasi darvozasini qo‘riqlagan Blekmanga shu paytgacha umuman imkon bermagan. “Chelsi” tarkibida birorta uchrashuv o‘tkazmagan futbolchi sakkizinchi marta ijaraga jo‘natildi. Bungacha u “Midlsbro”, “Estersund”, “Uikomb”, “Sheffild Yunayted”, “Lidse”, “Vitess” va “Bristol” jamoalarida ijara muddatini o‘tagan.
O‘z iste’dodini ko‘rsata olmay kelayotgan darvozabonning transfer summasi ham bir yarim million evroga tushib ketdi.
Fikrlar