Жамолиддин Бобожонов: Ҳеч ким Ўзбекистон чемпионатини қизиқиб томоша қилмаяпти... Вазият чўзилаверса, бу йилги Суперлигани бекор қилишгача борилса, ажабланмайман

Ўзбекистонда футбол ўйинларини тўхтатиш ёки давом эттириш кераклиги борасида баҳс-мунозаралар давом этмоқда.

Биз кечадан бери журналистларнинг бу борадаги фикрларини тақдим этиб бормоқдамиз. Бу гал “Ориат доно” радиосининг “Футбол плюс” дастури бошловчиларидан бири Жамолиддин Бобожоновнинг қарашларини ҳавола қиламиз.

- Пандемия бунақа кечишини ҳеч ким кутмаганди. Кўпчилик чемпионатимизни рестарт бўлишини кутганди. Шундай ҳам бўлди. Менимча, пандемия ҳолатида тестларни вақтида топширмади, деб клубларга айблов қўявериш яхши эмас. Тест топшириш билан боғлиқ вазиятни барча билиб турибди. Клублар ҳам бу борада ҳеч нарса қила олмаслиги мумкин. Чунки тест топширган билан вақтида жавоби чиқмаяпти. Бутун Ўзбекистонда ҳолат шунақа. Шунинг учун ҳозирги вақтда чемпионатни тўхтатиш керак. Нафақат тўхтатиш, балки ПФЛ, ЎФА ва клублар биргаликда 2020 йилги мавсум тақдирини қайтадан кўриб чиқса бўлади. Бундай пайтда футбол бирламчи восита эмас. Миллионлар ўйинисиз ҳам инсоният яшай олади. Шу боис бу йилги чемпионат, балки ўтказилмас ёки бошқача формат қилинар. Масалан, Хитой Суперлигаси 24 июлда бутунлай бошқача форматда бошланади. Иккита шаҳарда, икки гуруҳга бўлинган ҳолда ташкил этмоқда. Бизда ҳам ҳар хил йўлини қараб чиқиш лозим.

Мен Ўзбекистонда футбол ўйинларини вақтинча тўхтатилиши тарафдориман. Сизчи?

Алишер Никимбаев: Билишимча, Ўзбекистон клублари орасида июндан бери фақат бир марта тест топширганлари бор экан. Демак, тизимда нимадир нотўғри

2 май куни мен радиода Тошкент шаҳри ва вилоятида мусобақани ўтказиш керак, деган таклифни берган эдим. Шуни кўриб чиқилганда, иккинчи карантингача анча ўйинлар ўтказилган бўларди. Гап менинг бу фикрни берганимда эмас. Барибир инсоният соғлиги муҳим. Суперлига тақдирини қайтадан кўриб чиққан яхши.

Буни тўғри тушуниш керак. Ҳеч ким Ўзбекистон чемпионатини қизиқиб томоша қилмаяпти. Тўғри, карантинда уйда ўтириб телевизор кўришмоқда. Лекин мухлислар учун ҳам футбол актуал мавзу бўлмай қолди. Бошқа ташвишлар етарли.

Вазият яхшиланса, яна рестарт қилиш керак. Лекин агар вазият чўзилаверса, хаттоки бу йилги чемпионатни бекор қилишгача борилса ажабланмайман ва буни тўғри тушуниш лозим, деб ўйлайман, - деди Жамолиддин Бобожонов.

Ўзбекистонда футбол ўйинларини тўхтатиш керакми ёки давом эттириш? – Бобур Акмаловдан жавоб

Кеча ПФЛ Суперлига 10-турнинг барча ўйинлари қолдирилганини эълон қилди. Бунга сабаб жамоаларда аниқланаётган коронавирус, дея изоҳланди. Ташкилот клублардагиларни жиддий тарзда огоҳлантирди. Шунингдек, Про лига баҳслари ҳам августгача тўхтатилди.