Мен Ўзбекистонда футбол ўйинларини вақтинча тўхтатилиши тарафдориман. Сизчи?
Кундан кунга юртимиз эпидемиологик вазият оғирлашмоқда. Интернет, ижтимоий тармоқларда коронавирусга чалинган беморлар тез ёрдам чақира олмаётгани, ўзида касаллик бор ёки йўқлигини билиш учун тест топширишда қийинчиликларга дуч келаётгани тинмай маълум қилинмоқда. Бу эса вазият анча жиддийлашганини билдиради.
Юртимизда Суперлига ва Про лига баҳслари давом этяпти. Карантинда уйда ўтириб футбол кўриш яхши. Аммо футболчиларда ҳам коронавирус юқтириб олаётганлар топилмоқда. Бу эса ёмон. Ёмони шуки, инфекция битта ўйинчида аниқланса, бу занжир бўлиб янада кўп инсонга юқиши мумкин. Чунки майдонда 22 футболчи тўп тепади, контакт бўлади, ҳакамлар, захира ўриндиғидаги жамоа аъзолари, уларнинг юриш-туришига масъуллар ҳам етарлича. Шунинг учун бошқа соҳаларга қараганда, футболда бу вируснинг тарқалиш кўлами катта бўлиши мумкин.
"Сурхон" клуби футболчиси коронавирус юқтирганликда гумонланмоқда. Жамоанинг "Навбаҳор"га қарши ўйини қолдирилиши мумкин
.jpg?1595180960194)
Охирги кунларда Суперлига ва Про лига футболчиларида ушбу вирус аниқланмоқда. Қайсидир жамоада, 2 та, кимдадир 5 та ваҳоказо. Ҳали аниқланмаган ёки кимлардадир енгил кечаётган, уларнинг ўзи билмаётган бўлиши мумкин.
Қолган жамоаларда ҳам кутилмаганда инфекция аниқланмоқда. Бундай ҳолларда футболнинг давом этиши, инсонларда бу касаллик тарқалишида миллионлар ўйини сабаблардан бири бўлиб қолиши ёмон. Боз устига гумондагиларда ҳам минг ҳаёллар. "Навбаҳор" устози Андрей Канчельскис "Қизилқум" устидан қозонилган қийин ғалабанинг сабабини шогирдлари коронавирусга тест топширгани учун улар тушкун кайфиятга тушиб қолганини айтганди. Бу вируснинг футболга таъсири.
Карантин юмшатилгунга қадар ҳаракат қилиб, футболни давом эттира олмадикми, энди ҳолат ёмонлашганида уни тўхтатишимиз лозим. Сиз нима дейсиз? Фикр билдиришдан аввал фақат футболни, рекламани ўйламанг, тест топширишга муҳтож, карантин ҳудудларида даволана олмаётган инсонларни кўз олдингизга келтирган ҳолда хулоса чиқаринг. Яъни футболчиларга кетаётган тестлар бошқа муҳтожларга ас қотиши, қўлимизда бўлган футболни тўхтатиб туришимиз мумкинку. Терма жамоаларимиз ва “Пахтакор”нинг халқаро учрашувлари бор. Бироқ бу кейинги масала. Ҳозир олдимиздаги энг асосий масалани ҳал этишимиз, бу “давр”дан эсон-омон ўтиб олишимиз даркор.
"Бунёдкор" футболчиси коронавирус юқтириб олгани тасдиқланди. Жамоа ПФЛ қарорини кутмоқда
.jpg?1595180987886)
Бу фикрлар ПФЛ мутассадиларига ёқмаслиги мумкин. Улар чемпионатни давом эттириш учун ҳаракат қилишмоқда. Яхши ниятда. Аммо гап инсон саломатлиги ва бу касалликни йўқ қилиш учун одамларни уйда қолишга ундалаётган бир паллада, биз учун қадрли бўлган ўзбек футболи вақтинча тўхтатилиб турилса, айни муддао бўларди.
Карантин қоидаларига амал қилинг, уйда қолиб, вақтингизни яқинларингиз билан ўтказинг. Энг асосийси саломатлик эканини унутманг!
Фикрлар