Жампаоло

"Милан" клуби бугун бош мураббийи Марко Жампаолони ишдан бўшатди. Жампаоло клубда узоқ вақт ишлаш борасида антирекорд ўрнатди.

Ушбу мутахассис "россонерилар"ни бор-йўғи 111 кун бошқарди. У 19 июнь куни жамоа бош мураббийи сифатида сайланганди.

Фақат раҳбар вазифасини бажарган мураббийларни ҳисобга олмаганда, бу миланликлар тарихидаги энг қисқа иш давр бўлди.

Маълумот учун, Жампаоло бошқарувида "Милан" А Сериянинг 7 та учрашувида 9 очко жамлади ва 4 бор мағлубиятга учради.

Эслатиб ўтамиз, жамоа яқин вақтлар ичида Стефано Пиолини бош мураббий сифатида таништиришга яқин турипти.