Jamshid Saidov: "Buxoro" Superligada qolish uchun kurashadi

Kecha bo‘lib o‘tgan “Buxoro” – “Navbahor” bellashuvidan so‘ng, mezbonlar ustozi Jamshid Saidov o‘yin haqida o‘z fikrlarini bildirib o‘tdi.

- Fursatdan foydalanib, avalambor, bugun yurtimizda keng nishonlanayotgan "O‘qituvchi va murabbiylar kuni" bilan barcha ustozlarim va murabbiylarimni tabriklayman. Ularga sog‘liq va salomatlik tilayman.

O‘yinga kelsak, juda qiyin bahs bo‘lib o‘tdi, ushbu o‘yinga yaxshi tayyorlangandik. "Navbahor" qanday o‘ynashi va nimalarga qodirligi haqida ma’lumotga ega edik. Futbolchilarimda o‘yin davomida taktik va texnik xatolar kuzatildi, ammo oxirigacha kurashgani, o‘zlarini ayamaganlari uchun katta rahmat. Bugungi o‘yinda maydonda 3 nafar yosh futbolchilar birinchi bor superligada debyut o‘yinlarini o‘tkazdi.

Jadvaldan kelib chiqib, biz har bir bahsga, xuddi oxirgi o‘yindek maydonga chiqamiz, har bir ochko biz uchun oltinga teng. Superligada qolish uchun oxirigacha kurashamiz.