Жамшид Саидов: "Футболчилар "нагрузка"да ўйнашди"

“Андижон” – “Қизилқум” (2:2) учрашувидан кейин навоийликлар бош мураббийи Жамшид Саидов “Андижон” матбуот хизматига баҳс борасидаги таассуротларини айтди:

"Ўйин яхши таассурот қолдирди. Футболчилар “нагрузка”да ўйнашди, уларда чарчоқ бор. Ёшларга ҳам имконият бердик. Ёмон эмас.

Асосий таркибдаги бир қатор футболчиларимиз бугун ўйнашгани йўқ. Жамоа ютқазаётганида ҳам ҳар доим қийин вазиятдан чиқиб кетишга ишониш керак ва футболчиларимиз охиригача курашдилар.

“Андижон” жамоасини ва мураббийини яхши биламан. Жамоа барқарор ва доим жиддий курашиб келади".