Жамшид Саидов: Ғолиблар муҳокама қилинмайди

Cоcа-Cоlа Суперлига 26-туридан ўрин олган "Қизилқум" - "Турон" (1:0) учрашувидан сўнг мезбонлар бош мураббийи Жамшид Саидов ўз фикрларини билдириб ўтди.

“Бугунги учрашув ҳақида нима дейиш мумкин? Биз кўпроқ ёш футболчиларга имконият бердик. Ўйлайманки, ёшлар ишончни оқлади. Тўғри, хатолар бўлди, аммо ғолиблар муҳокама қилинмайди. Ёш футболчилар дебют қилгани ва ажойиб ўйин кўрсатганидан хурсандман.

Биз ҳар бир учрашувга максимал тайёрланамиз. Ўйлайманки, 5 декабр куни ҳаммаси ҳал бўлади. Ким кучли бўлса, ўша ғалаба қозонади”, – деди Саидов.