Жамшид Саидов: Назарий жиҳатдан Суперлигада жон сақлаб қолишга имкониятимиз бор

Ўзбекистон Coca Cola Суперлигаси 22-туридан ўрин олган "Бунёдкор" - "Бухоро" учрашувида жамоалар 1:1 ҳисобида дуранг ўйнади. Ўйиндан кейин ташкил этилган матбуот анжуманида бухороликлар бош мураббийи Жамшид Саидов баҳс хусусидаги фикрлари билан ўртоқлашди:

"Футболчиларга раҳмат айтаман. Биринчи таймда жуда тезкор гол ўтказиб юбордик. Сабаби, бир қанча ёш футболчиларни ўйнатдик. Якунда керакли натижани қўлга кирита олдик. 

Назарий жиҳатдан Суперлигада жон сақлаб қолиш имкониятимиз бор. Охиргача ҳаракат қиламиз.

Албатта, бугунги дурангни ғалабага тенг, деб айта оламан. Чунки, сўнгги дақиқалардагина очко қўлга киритдик", - деди Саидов.