Жанлуижи ўрнига Жанлуижи келадими?
"Милан" дарвозабони Жанлуижи Доннарумма Италияда қолиши мумкин. Унга "Ювентус" яна қизиқиб қолди.
La Gazzetta dello Sport нашрининг маълум қилишича, 22 ёшли посбоннинг агенти Мино Райола мижозининг трансфери бўйича “кекса синьора” спорт директори Фабио Паратичи билан музокаралар ўтказган.
Айтиш керакки, Доннарумманинг “россонерилар” билан амалдаги шартномаси жорий мавсум якунлангач, ўз ниҳоясига етади. Ҳозирча, у “Милан” раҳбарияти билан ушбу шартномани узайтириш масаласида тил топиша олмаяпти. Шу сабабли, у янги жамоасига эркин агент сифатида йўл олиш эҳтимоллари ҳам мавжуд.
Доннарумма жорий мавсум "Милан" сафида 40 та ўйин ўтказди. У ушбу учрашувларда ўз дарвозасидан 48 та гол ўтказиб юборди.
Фикрлар