Janni Infantino: "Men o‘tgan yilning may oyida go‘zal O‘zbekiston davlatiga tashrif buyurib, Prezident Shavkat Mirziyoev bilan uchrashdim"

FIFA Prezidenti Janni Infantino o‘z rasmiy sahifasida o‘tgan yilning may oyida O‘zbekistonga qilgan tashrifini yodga oldi.

"Men o‘tgan yilning may oyida go‘zal O‘zbekiston davlatiga tashrif buyurib, Prezident Shavkat Mirziyoev bilan uchrashdim va futbolni rivojlantirish masalalarini muhokama qildim. Mamlakatning "FIFA Forward va Football For Schools" dasturidagi ishtiroki uchun minnatdorchilik bildirdim. 

Bu erda futbol faol o‘sib bormoqda. Abdusalom Azizov boshchiligidagi O‘FAga sa’y-harakatlari uchun minnatdorchilik bildiraman. Joriy yilning oxirida futzal bo‘yicha Jahon chempionatiga mezbonlik qilish O‘zbekiston uchun alohida voqelik bo‘ladi. Ushbu ajoyib tadbirni o‘tkazishda ularga eng yaxshi tilaklarimni bildiraman", - deya post qoldirdi FIFA rahbari o‘zining ijtimoiy tarmoqdagi sahifasida.