Жароҳат олган Неймар энди мундиалда ўйнамайдими?

Қатардаги жаҳон чемпионатининг биринчи турида Бразилия терма жамоаси етакчиси Неймар Сербияга қарши учрашувда жароҳат олди.

Оммавий ахборот воситаларида футболчи чемпионатни ўтказиб юбориши мумкинлиги ҳақида маълумотлар чиқа бошлади.

Бразилия терма жамоаси бош мураббийи Тите Неймарнинг аҳволи ҳақида маълумот берди.

- Неймар жаҳон чемпионатида яна ўйнайди. Бунга тўлиқ амин бўлишингиз мумкин. У албатта ўйнайди.

Неймар борасида яна бир муҳим маълумот айтмоқчиман. У шикастланганига қарамай, майдонда қолди. Оёғидаги оғриққа чидаб ўйнади ва иккита гол уришимизга ёрдам берди. У жамоага кераклиги учун ҳам майдонни эрта тарк этмади, - деди Тите.

Бразилияликлар Ришарлисоннинг дубли эвазига 2:0 ҳисобида зафар қучди. Неймар гол киритилганидан кейин 79-дақиқада ўрнини Антонига бўшатиб берди.