Jasur Jaloliddinov Evropaga ketmaydi, u Superliga klubi bilan shartnoma imzolaydi

Yozgi transferlar davrida “Bunyodkor”dan Moskvaning “Lokomotiv” klubiga ko‘chib o‘tgan iqtidorli yarim himoyachi Jasur Jaloliddinov faoliyatining so‘nggi bir necha oylarini juda ham omadsiz o‘tkazdi. Dastlab, “temiryo‘lchilar” uni qaydnomaga kiritmadi, so‘ngra “Tambov”ga ijaraga berildi. U erda ham ishlari yurishmagan Jasur oxir-oqibat yana Toshkentga qaytdi.

Yangi mavsumga tayyorgarlik jarayonida uni “Bunyodkor” safida shug‘ullanayotgani ma’lum bo‘ldi. Shundan so‘ng, uning tez orada Evropa klublaridan biriga o‘tishi haqida ham xabarlar tarqaldi. Lekin so‘nggi ma’lumotlarga ko‘ra, Jaloliddinov yangi mavsumni “Andijon” safida o‘tkazadi. “Burgutlar” futbolchi bilan kelishuvga erishgan va tez orada bu haqda rasman e’lon qilinadi.