Жасурбек Латипов профессионал боксда дебют қилади!

Хабарингиз бор, юртимизда профессионал бокс бўйича янги Lift  промоутерлик компанияси ташкил этилди.

Мазкур промоутерлик компанияси томонидан 13 август куни Тошкентда илк жанг кечаси ташкил этилиши кўзда тутилмоқда. Турнирда ҳозирга келиб, бир қатор таниқли боксчиларимиз рингга кўтарилиши режалаштирилган. 

Улар орасида Жасурбек Латипов ҳам профессионал йўналишда ўз дебютини нишонлайдиган бўлди. 

- Ҳа, ушбу жанг кечасида дебют қиламан. Айнан ушбу жангдан кейин шартнома тузсам керак. Ҳозирча рақиб маълум эмас. 

Эслатиб ўтамиз, Жасурбек Латипов ҳаваскор йўналишда 3 карра жаҳон чемпионати совриндори, Осиё чемпионати ва ўйинлари ғолиби саналади.