Жасурбек Йўлдошев: Кейинги жангларимда ҳудо хоҳласа, бундан ҳам яхшироқ ҳаракат қилиб, ғалаба қозонишга ваъда бераман

Тошкентдаги "Ҳумо арена"да бокс бўйича жаҳон чемпионати давом этмоқда.

-80 кг вазн тоифасида Жасурбек Йўлдошев жазоирлик Юнус Немоучига қарши рингга кўтарилди. Курашларга бой беллашувда ҳамюртимиз 5:0 ҳисобида зафар қучди.

Жангдан сўнг Жасурбек Йўлдошев ўз фикрлари билан ўртоқлашди.

- Бугун жаҳон чемпионатидаги биринчи жангимни ўтказдим. Жазоирлик боксчи билан беллашдим ва ғалаба қозондим. Мени қўллаб-қувватлаган барча мухлислар, ота-онам, мураббийларимга каттакон раҳмат. Кейинги жангларимда ҳудо хоҳласа, бундан ҳам яхшироқ ҳаракат қилиб, ғалаба қозонишга ваъда бераман, - деди Жасурбек Йўлдошев.