ЖЧ-2022. 37 ёшли Модрич рекорд ўрнатишда давом этади

Хорватия терма жамоаси етакчиси Лука Модрич Жаҳон чемпионати илк турида Марокашга қарши майдонга тушди ва бир нечта рекордларни янгилади.

37 ёшли ярим ҳимоячи бу натижаси билан 3 та ўн йилликда ЖЧ ва Еврода ўйнаган тарихдаги илк футболчига айланди.

У 2008, 2012, 2016 ҳамда 2021 йилларда Европа чемпионатида ўйнаган. Шунингдек, 2006, 2014, 2018 ва 2022 йиллардаги мундиалларда иштирок этган. Ушбу мусобақалар давомида Лука умумий ҳисобда 26 бор майдонга тушган. 

Маълумот учун, агар жароҳат ёки дисквалификация билан боғлиқ муаммо бўлмаса, Модричнинг олдида камида 2 та баҳс кутиб турибди.