ЖЧ-2022. Месси навбатдаги рекордни ўзиники қилди

Жаҳон чемпионати 2-тури доирасидаги Аргентина - Мексика учрашувида номинал мезбонлар 2:0 ҳисобида зафар қучди.

"Альбиселесте" юлдузи Месси жамоасининг биринчи голини ўзи уриб, иккинчисига ассистентлик вазифасини ўтади. Шу тариқа, у 5 та мундиалда голли узатма муаллифига айланган тарихдаги илк футболчига айланди. 

Лео 2006 йилги ЖЧда 1 та, 2010, 2014 ва 2018 йилги чемпионатларда эса иккитадан ассист қайд этган. Шунингдек, у мундиалларда урилган голлар бўйича Аргентина афсонаси Диего Марадонага етиб олди.

Аргентиналиклар 3-тур беллашувини Польшага қарши ўтказади. Месси мазкур баҳсда ўз натижасини янада яхшилаб олиши мумкин.