JCh-2022. Mundialni tark etgan Niderlandiyani 2023 yildan yana Kuman boshqaradi

JCh-2022 chorak finalidan o‘rin olgan Niderlandiya - Argentina bahsi yakuniga etdi. Mazkur uchrashuvning asosiy vaqtida 2:2 hisobi qayd etildi. 

Ekstra-taymlarda ham vaziyat o‘zgarmadi. Penaltilar seriyasida esa "albisileste" 4:3 hisobida zafar quchdi.

Ushbu mag‘lubiyatdan so‘ng Niderlandiya terma jamoasi bosh murabbiyi Lui van Gal iste’foga chiqqanini ma’lum qildi. Uning o‘rnini "Barselona" klubi sobiq bosh murabbiyi Ronald Kuman egallaydigan bo‘ldi. U 2023 yildan ish boshlaydi. 

Kumanga termani 2026 yilgi mundialga munosib tayyorlash vazifasi qo‘yilgan. Avvalroq, Ronald 2018-2020 yillar mobaynida Niderlandiya termasini boshqargandi.