ЖЧ-2022нинг илк стадиони тез орада фойдаланишга топширилади (ФОТО)

ЖЧ-2022 мезбони ҳисобланган Қатар мундиалга пухта ҳозирлик кўрмоқда.

Бугун эълон қилинган маълумотларга қараганда ЖЧ-2022 ўйинларига мезбонлик қилувчи ареналардан бири - "Ал-Вакра" стадиони жорий йилнинг май-июнь ойларида фойдаланишга топширилади. Ташқи кўринишидан анъанавий араб қайиғини ёдга солиб юборадиган ушбу ўйингоҳ ўз бағрига 40 минг мухлисни сиғдира олади. Унинг қурилишига тахминан 580 млн евро маблағ сарфлангани айтилмоқда.

Эслатиб ўтамиз, бундан аввалроқ Қатар ҳукумати ЖЧ-2022ни ўзида қабул қилувчи барча стадионлар 2020 йил охиригача тўлиқ фойдаланишга топширилишини маълум қилган эди.