ЖЧ саралаши. Бельгия Чехия майдонидан аранг 1 очко билан қайтди

2022 йилда Қатар майдонларида бўлиб ўтадиган Жаҳон чемпионати учун кураш Европада тобора қизиб бормоқда. Якуний саралаш босқичининг 2-тури доирасида Чехия ва Бельгия жамоалари ўзаро тўқнашди. Мезбонларнинг устунлигида кечган баҳс якунда 1:1 ҳисоби билан якунланди. 

50-дақиқада Провод ҳисобни очган бўлса, 60-дақиқада Лукаку мувозанатни тиклади. 

Тур якунига кўра, ҳар иккала жамоа 2 та ўйиндан сўнг, 4 очко жамғарган ҳолда параллел кетмоқда. 

• 90+4'
  

  Ўйин ўз якунига етди. Матнли трансляцияни Абдулвосид Валихонов олиб борди. 

• 90+3'

  Соучекнинг зарбасини сўнгги паллада Алдервейрельд қайтариб юқорди. 

• 90+'
  

  Учрашув асосий вақтига 4 дақиқа қўшиб берилди. 

• 88'

  Чехия ҳам эҳтиёткор ўйнай бошлади. 

• 86'

  Чехия сўнгги дақиқаларни ҳужум билан ўтказмоқда. 

• 84'

  Боржилнинг зарбаси дарвоза устунига тегиб, майдонни тарк этди. 

• 83'
  

  Бурчак тўпи чехияликларга наф келтирмади. 

• 81'

  Де Брюйненинг жарима майдони ташқарисидан йўллаган зарбаси бироз ноаниқ кўриниш олди. 

• 80'

  Провод рақиб хатосидан фойдалана олмади. Зарба бериш жараёнида техник хатога йўл қўйилди. 

• 80'

  Масопустнинг узатмаси жарима майдони томон етиб бормади. 

• 78'
  

  Крменчик ўрнига Видра, Барак ўрнига эса Павелка майдонга тушмоқда. 

• 77'

  Ўйин тенг курашлар остида кечмоқда. Вазиятлар яратилмаяпти. 

• 73'

  Цоуфалнинг узатмаси ўтмади. 

• 72'

  Крменчикка нисбатан қоида бузлигандек. Ҳа, Вертонген сариқ карточка олди. Такрорий лавҳада эса, қоида бузилмагандек кўринди. Ўйинни кузатишда давом этамиз. Чехияда стандарт. 

• 70'

  Де Брюйненинг ҳаракатлари ажойиб чиқди. Якуний зарба устунга тегиб қайтди. 

• 69'

  Куртуадан ажойиб сейв. Боржилнинг жарима майдони ташқарисидан берган зарбаси хавфли чиққанди. 

• 67'

  Чехия бурчак зарбасидан унумли фойдалана олмади. 

• 65'

  Меҳмонлар футболчиси рақиб қарши ҳужумини тўхтатиб қолишга эришди. 

• 63'

  Бельгия фаоллашиб қолди. 

• 61'
  

  Янкто ўрнига Масопуст майдонга туширилди. 

• 60'
  

  ГООООООООООЛЛЛЛЛЛЛЛЛЛЛЛЛ!!! Де Брюйненинг узатмасидан сўнг, Лукаку рақиб ҳимоячисини осонлик билан чалғитиб, Вацлик дарвозасини ишғол этди. 

• 58'

  Чехия ҳамон фаол. 

• 56'
  

  Шадли ўрнига Фоке майдонга ташланди. 

• 54'
  

  Мертенсга тиббий ёрдам кўрсатилмоқда. 

• 53'

  Чехиянинг жарима зарбаси муваффақиятсиз чиқди. 

• 50'
  

  ГООООООООООООЛЛЛЛЛЛЛЛЛЛЛЛЛЛЛЛ!!! Чехия ҳисобни очмоқда. Проводнинг зарбаси мукаммал чиқди. Унга зарба бериш имконини бериб қўйишди. 

• 47'

  Иккинчи таймни ҳам Чехия зарба билан бошлади. Голешнинг тепган тўпи бироз юқоридан ўтиб кетди. 

• 46'
  

  Иккинчи тайм бошланди. 

• 45'
  

  Биринчи тайм якунланди. Ҳакам бир дақиқа ҳам қўшиб бермади. Танаффус. 

• 43'
  

  Соучекка сариқ карточка кўрсатилмоқда. 

• 42'

  Голешнинг жарима майдони ташқарисидан берган зарбаси ноаниқ кетди. 

• 40'

  Тўп чехияликлар тарафида бўлиб турибди. Бельгияга танаффус керак, шекилли. 

• 38'

  Ўйин майдон марказида кечмоқда. Ҳеч бир жамоа ҳужумларга кескинлик бермаяпти. 

• 36'

  Крменчик анча хавфли зарба бера олди. Бироқ, у аввалроқ ўйиндан ташқари ҳолатда бўлган экан. 

• 35'

  Меҳмонлар сўнгги дақиқаларда фаоллашганини эътироф этиш лозим. 

• 33'

  Чехия жарима зарбасидан наф чиқара олмади. 

• 37'

  Лукаку ўнг қанотда фаоллик намойиш этди. Жарима майдони марказига пас ҳам узатди. Кастань бош билан дарвоза томон тўпни йўллади. Вацлик осонлик билан уни ушлаб олди. 

• 29'

  Бельгиянинг штурми зарба билан якунланмади. Чехия ҳимояси бунга йўл бермади. 

• 27'

  Соучек Бельгия жарима майдони ичида йиқилди. Ҳаммаси жойида. Томаш ўрнидан туриши керак. 

• 25'
  

  Кастань қўпол ҳаракат учун огоҳлантирилди. 

• 25'

  Бельгия вазиятлар яратмай қўйди. Чехия бу қадар пассив футболни жазолаши мумкин. 

• 23'

  Баракнинг зарбаси кучсиз чиқди. Жарима майдони ташқарисидан зарба беришга ҳаракат қилган футболчи сирпаниб кетди. 

• 21'

  Соучекнинг узатмасини бельгияликлар "ўқиди". 

• 19'
  

  Де Брюйненинг узатмаси ҳимоячиларга муаммо туғдирмади. 

• 18'

  Бельгия анча хушёр тортди. Чехия билан ҳазиллашиб бўлмайди!

• 16'

  Крменчикнинг юриши хавфли чиқди. Шик узатган тўпни олган чехиялик ҳужумчи Денайерни алдаб ўтди. Зарба дарвоза устунига тегиб, майдонни тарк этди. 

• 15'

  Иккала жамоада ҳам тўп узатишда хатолар учрамоқда. 

• 14'
  

  Илк аниқ зарба чехлар ҳисобига. Куртуа ўз ўрнида! Зарба муаллифи Якуб Янкто. 

• 12'

  Жарима зарбасини ҳимоячилар қайтарди. Қарши ҳужумга қочиб кетиши мумкин бўлган Де Брюйне қоида бузилиши эвазига тўхтатилди. 

• 11'

  Кастань ўз яриммайдонида фол ишлатди. 

• 10'
  

  Бурчак зарбаси "қизил иблислар"га фойда келтирмади. 

• 9'

  Вацлик Мертенснинг жарима майдони ташқарисидан берган айёрона зарбасини бир амаллаб қайтарди. 

• 7'

  Лукакунинг жарима майдони ташқарисидан зарба берди. Мертенс тўпни чиройли қолдира олганди. Бироқ, тўп анча юқоридан ўтиб кетди. 

• 7'

  Ҳимоячилар жарима майдонига узатилган тўпни қайтариб юборишга эришди. 

• 6'

  Продль қоидани бузди. Бельгияда стандарт. Масофа анча олис. 

• 5'

  Чехия қарши ҳужумга қочиб кетиш учун бир нечта уриниш амалга ошириб улгурди. \Бироқ, Бельгия хушёр ўйнамоқда. 

• 4'

  Бельгия тўпни назорат қилмоқда. 

• 2'

  Чехия кучли прессинг уюштирмоқда. Бу Бельгияни хато қилишга мажбур қиляпти. Майдон бироз нам. Сабаби, ёмғир ёғмоқда. 

• 1'

  Илк дақиқаданов Бельгия олдинга ташланди. 

• 1'
  

  Ўйин бошланди. 

• 0'

  Терма жамоалар майдонга чиқиб келишга улгуришган. Сардорлар тўп ва майдон томони масалаларига ойдинлик киритиб олди. Барча нарса ўйин бошланишига шай ҳолатда. 

• 0'

  Ассалому алайкум, азиз футбол мухлислари. Чехия - Бельгия баҳси бошланмоқда. Ушбу беллашувни матнли тарзда Абдулвосид Валихонов эътиборингизга ҳавола этади.