ЖЧда ғалаба қозонган футболчилар қайси чемпионатларда тўп сурмоқда?!

ЖЧда ғалаба қозонган футболчилар қайси чемпионатларда тўп сурмоқда?!

SPORTS.uz мундиалда ғолиб чиққан амалдаги футболчиларнинг қаерда эканлиги билан қизиқди.

2020 йилда бир нечта собиқ ЖЧ ғолиблари бутсаларини михга илиб юборди. Давид Вилья, Икер Касильяс, Даниеле Де Росси, Андре Шюрле, Бенедикт Хёведес шулар жумласидан.

Яқиндагина 2014 йилда Германия билан мундиал ғолиблигини қўлга киритган Кевин Гросскройц ҳам футболни тарк этди. Бугунги кунга келиб, 52 та ЖЧ олтин медаллари эгалари Европанинг турли чемпионатларида тўп сурмоқда. Ҳозир улар ҳақида қисқача маълумот бериб ўтамиз.

Германия чемпионати : 14 футболчи

Улар ким? Хави Мартинес («Бавария»; Испания-2010), Мануэл Нойер, Жером Боатенг, Томас Мюллер (барчаси — «Бавария»; Германия-2014), Маттиас Гинтер ва Кристоф Крамер (иккиси ҳам — «Боруссия М»; Германия-2014), Матс Хуммельс («Боруссия Д»; Германия-2014), Шкодран Мустафи («Шальке»; Германия-2014), Сами Хедира («Герта»; Германия-2014), Эрик Дурм («Айнтрахт Ф»; Германия-2014), Рон-Роберт Цилер («Кёльн»; Германия-2014), Люка Эрнандес, Корентин Толиссо ва Бенжамен Павар (барчаси— «Бавария»; Франция-2018).

Бундеслига қишки трансфер ойнаси чоғида бу кўрсаткич бобида етакчига айланиб олди. Бунга Шкодран Мустафи ва Сами Хедиранинг Германия чемпионатига қайтиб келгани асосий сабаб.

«Бавария» ўз таркибида 3 та мундиалда ғалаба қозонган футболчиларни жамлаган. Хави Мартинес (2010, Испания), Мюллер, Нойер, Боатенг (2014 Германия), Павар, Эрнандес, Толиссо (2018 Франция).

Эътиборлиси шундаки, Бундеслигада 7 клуб таркибида ЖЧда ғалаба қозонган футболчилар бор. Бу айни дамда сайёрамиздаги энг яхши натижа бўлиб турибди.

Испания чемпионати: 13 футболчи

Улар ким? Серхио Рамос («Реал»; Испания-2010), Жерар Пике и Серхио Бускетс (барчаси— «Барселона»; Испания-2010), Рауль Альбиоль («Вильярреал»; Испания-2010), Хесус Навас («Севилья»; Испания-2010), Давид Сильва («Реал Сосьедад»; Испания-2010), Тони Кроос («Реал»; Германия-2014), Рафаэл Варан («Реал»; Франция-2018), Самуэл Умтити, Антуан Гризманн ва Усман Дембеле (барчаси — «Барселона»; Франция-2018), Тома Лемар («Атлетико»; Франция-2018), Набиль Фекир («Бетис»; Франция-2018).

Каталония супер клуби мундиалда ғолиб чиққан футболчилар сони бўйича «Бавария»дан кейинги ўринни эгаллаб турибди. Ҳозирда, «Барса» сафида Пике, Бускетс, Гризманн, Умтити ва Дембеле жаҳон кубогини боши узра кўтаришга муваффақ бўлган.

Шунингдек, «Реал» ҳам 3 та мундиал олтин медалларига эга чиққан футболчилар билан мақтана олади. «Қироллик клуби» сафида 2010 йилда Жанубий Африкада Рамос, 2014 йилда Бразилияда Тони Кроос, 2018 йилда Россияда Рафаэл Варан олтин медалларга эга чиққан. Бундай комплект фақат «Бавария» ва «Реал Мадрид» жамоасидагина мавжуд.

Франция чемпионати: 8 футболчи

Улар ким? Сеск Фабрегас («Монако»; Испания-2010), Юлиан Дракслер (ПСЖ; Германия-2014), Стив Манданда ва Флориан Товен (иккис — «Марсель»; Франция-2018), Преснель Кимпембе ва  Килиан Мбаппе (иккиси— ПСЖ; Франция-2018), Жибриль Сидибе («Монако»; Франция-2018), Стивен НʼЗонзи («Ренн»; Франция-2018)

Франция амалдаги жаҳон кубоги эгаси бўлишига қарамай, ўз чемпионатида атиги 8 та футболчини олиб қолишга муваффақ бўлган. Улар орасида «Ренн», «Монако», «Марсель» сингари ўртамиёна жамоаларнинг бор эканлигини таҳсинга сазовор.

Англия чемпионати: 7  футболчи

Улар ким? Хуан Мата («Манчестер Юнайтед»; Испания-2010), Уго Льорис («Тоттенхэм»; Франция-2018), Альфонсо Ареолья («Фулхэм»; Франция-2018), Бенжамин Менди («Манчестер Сити»; Франция-2018), Поль Погба («Манчестер Юнайтед»; Франция-2018), НʼГоло Канте ва Оливье Жиру (барчаси — «Челси»; Франция-2018).

Аслида АПЛ бу кўрсатгич бобида кучли учликда эди, бироқ қишда Месут Ўзил ва Шкодран Мустафининг бошқа чемпионатга йўл олиши рейтингда пастлаб кетишга туртки бўлди.

Рўйхатдаги чемпионлардан фақат Хуан Мата Испаниялик. Қолганларнинг барчаси Франция билан Россия яшил майдонларида ғалаба қозонган.

Италия чемпионати: 4 футболчи

Улар ким?  Жанлуиджи Буффон («Ювентус»; Италия-2006), Пепе Рейна («Лацио»; Испания-2010), Педро («Рома»; Испания-2010), Фернандо Льоренте («Удинезе»; Испания-2010).

2006 йилдаги мундиалда ғалаба қозонган амалдаги ягона футболчи саналади. Италия терма жамоаси билан биргаликда Германияда бўлиб ўтган мусобақада ғалаба қозонган.

Қолган 3 футболчи эса, Жанубий Африкада бўлиб ўтган ЖЧда зафар қучишган. «А церийа» иштирокчилари орасида сўнгги икки мундиалда ғалаба қозонган бирорта футболчи йўқ.

Туркия Чемпионати: 2 футболчи

Улар ким? Месут Озил («Фенербахче»; Германия-2014), Лукас Подольски («Антальяспор»; Германия-2014).

Ўзилнинг «Фенербаҳче»га кўчиб ўтиши, Туркия чемпионатининг бу рўйхатда бир неча ўринга юқорига кўтарилишига сабаб бўлди. У билан биргаликда 2014 йилда чемпион бўлган Подолски ҳозирда ўртамиёна турк клубларидан бирида тўп сурмоқда.

Португалия Чемпионати: 1 та чемпион

У ким? Адиль Рами («Боавишта»; Франция-2018).

Адил 2018 йилдаги мундиалдан сўнг, деярли бирорта жамоада ўз ўрнини топа олмади. Ҳатто Россиянинг «Сочи» клубида ҳам асосий таркиб аъзосига айлана олмагач, Португалияга йўл олишга қарор қилди. Ҳозир «Боавишта» сафида камдан-кам ҳолларда уни майдонда кўришингиз мумкин.

Голландия чемпионати: 1 футболчи

У ким? Марио Гётце (ПСВ; Германия-2014).

Германия терма жамоасининг 2014 йилдаги мундиалда энг муҳим голини киритган Марио ҳозирда Голландия чемпионатида жавлон урмоқда. Қаҳрамонимиз ПСВ сафида 13 та ўйинда иштирок этди. Ҳозирча унинг ҳисобида 4 та гол ва 3 та ассист мавжуд. Бошланиши чакки эмас.

Япония Чемпионати: 1 та чемпион

У ким? Андрес Иньеста («Виссел Кобе»; Испания-2010).

Қувонарлиси шундаки, Осиё клубларидан бирида ҳам ЖЧ ғолиби тўп сурмоқда. Ҳозир Иньеста тиззасидан олган жароҳатини тиклаш билан банд. Голландияга қарши баҳсда «олтин гол»ни урган ярим ҳимоячи катта эҳтимол билан мавсум сўнггида ватанига қайтиб кетади. Шундай экан, келаси мавсумда бу рўйхатда япон клублари бўлмаслиги мумкин.

АҚШ чемпионати: 1 футболчи

У ким? Блез Матюиди («Интер Майами»; Франция-2018).

«Ювентус» жамоасини эркин агент сифатида тарк этган француз, ҳозир Девид Бекҳэмга тегишли клубда Гонсало Игуаин билан биргаликда фаолият олиб бормоқда. У ҳозирги пайтда МЛСдаги ягона ЖЧ олтин медалига эга футболчи.