"Женоа" - "Кальяри": иккинчи бўлим бошланди! (матнли трансляция)

Италия А Серияси 19-туридан ўрин олган "Женоа" - "Кальяри" баҳсининг иккинчи тайми бошланди. Учрашувни сайтимиз орқали матнли кўринишда кузатиб боришингиз мумкин. Матнли трансляцияни Абдулла Маннонов олиб боради.

• 90+4'
  

  Учрашув якунланди! "Женоа" ўз уйида минимал ҳисобда ғалабага эришди. Матнли трансляцияни Абдулла Маннонов олиб борди. Эътиборингиз учун раҳмат!

• 90+3'

  Альберто Черрининг зарбаси дарвозанинг юқори қисмидан ўтиб кетди.

• 90+'
  

  Учрашув асосий вақтига 4 дақиқа қўшиб берилди.

• 88'

  Боягина захирадан майдонга тушган Пандевнинг кучли зарбаси ҳимоячилар томонидан блокланди.

• 86'
  

  Габриеле Заппа сариқ карточка билан огоҳлантирилди.

• 85'
  

  "Кальяри"да ўзгариш: Ража Наинголан ўрнига Гастон Перейро ўйинга қўшилди.

• 83'
  

  "Кальяри" бурчакдан тўпни ўйинга киритиб беради.

• 81'

  Габриэле Заппа жарима зарбасидан унумли фойдалана олмади. 

• 78'
  

  Баллардини навбатдаги ўзгаришни майдонга ташлади: Миха Зайц ўрнига Филиппо Мелегони ўйинга қўшилди.

• 77'
  

  Элдор Шомуродов алмаштирилди! Захирадан унинг ўрнига Марко Пьяца ўйинга қўшилди.

• 74'
  

  Диего Годинда ўйиндан ташқари ҳолат қайд этилди.

• 73'

  Шомуродов дарвозага кучли зарба йўллади, бироқ ҳимоячи тўп йўлидан чиқди.

• 72'

  Балон Бехрами тўп узатишда хатоликка йўл қўйди.

• 70'
  

  Ўзгариш: Жованни Симеоне ўрнига Альберто Черри ўйинга қўшилди.

• 69'
  

  "Кальяри"да ўзгариш: Альфред Дункан ўрнига Рикардо Соттиль ўйинга қўшилди.

• 65'

  Шомуродовнинг жарима майдони ичига бўлган узатмаси ҳимоячилар томонилдан узоқлаштирилди.

• 64'
  

  Навбатдаги ўзгариш: Кевин Стротман ўрнига Балон Бехрами майдонга тушди.

• 63'
  

  Баллардини ўзгаришларни майдонга ташламоқда: гол муаллифи Маттиа Дестро ўрнига Горан Пандев ўйинга қўшилди.

• 62'
  

  "Кальяри" аъзоси Разван Марин бурчакдан тўпни ўйинга киритиб беради.

• 60'

  Наитан Нандеснинг узатмаси жуда кучли чиқди. Дарвозабон тўпни ўйинга киритиб беради.

• 58'

  Наинголан ўз техникасини намойиш этди, бироқ бу натижага таъсир кўрсатмади.

• 56'
  

  "Женоа"да ўзгариш: Мартин Чиборра ўрнига Жером Онгюен майдонга тушди.

• 55'
  

  Наитан Нандеснинг берган зарбасини Перин қайтарди!

• 52'

  "Кальяри" футболчиси Алфреде Дункан ҳужумда қўпол ҳаракат намойиш этди. "Женоа"га тўп қайтарилади.

• 51'

  "Женоа" аъзоси Милан Бадель ҳужумда фол намойиш этди.

• 49'

  Дестронинг зарбасига бироз аниқлик етишмади.

• 47'

  Элдор Шомуродов тўпга қўли билан тегиб юборди, ҳакам ўйинни тўхтатди.

• 46'
  

  Иккинчи бўлим бошланди.

• 45'

  Футболчилар майдонга қайтишмоқда. Биз ҳам қайтамиз.

• 45+1'
  

  1-бўлим якунланди! Танаффус.

• 45+'
  

  1-таймга 1 дақиқа вақт қўшиб берилди.

• 45'

  Жоао Педри ажойиб дриблинг намойиш этди, бироқ охирида барибир тўпни олдириб қўйди.

• 43'

  Уххх!!! Элдор Шомуродов жарима майдончаси ичига ажойиб тарзда ёриб кирди ва зарба берди! Бирозгина аниқлик бўлганида бу гол эди, бироқ тўп юқорилаб кетди!

• 42'

  Жованни Симеоненинг жарима майдончаси ичига узатган тўпи блокланди.

• 40'

  "Женоа" футболчиси Давиде Заппакоста узун узатма амалга оширди, бироқ тўпга эга чиқиш учун биронта шерик топилмади.

• 39'

  Наинголан дарвозага бўлган йўлида сўнгги лаҳзада ҳимоячи томонидан тўхтатилди.

• 35'
  

  "Кальяри" бурчакдан тўпни ўйинга киритиб беради.

• 34'

  Ража Наинголан жарима майдончаси ташқарисида тўпни қабул қилиб олди ва кучли айланма зарба берди! Тўп сал қолай деса дарвозага кириб кетарди! Бироқ устуннинг ёнгинасидан ўтиб кетди.

• 32'

  Бурчакдан келган тўпни Заппа боши билан дарвозага тўғирлади, хавфли вазият юзага келди. Тўп юқорилаб кетди.

• 32'
  

  "Кальяри" бурчакдан тўпни ўйинга киритиб беради.

• 30'

  Иван Радованович узун узатма амалга оширди, бироқ тўпга эга чиқиш учун унинг биронта шериги топилмади.

• 28'
  

  Ух!!! "Женоа" дарвозабони Маттиа Периндан ажойиб сейв! Жоао Педронинг ўта мураккаб зарбаси қийинчилик билан қайтарилди!

• 27'
  

  "Женоа" аъзоси Кевин Стротман бурчакдан тўпни ўйинга киритиб беради.

• 26'

  Ража Наинголаннинг узатмасини "Женоа" ҳимоячилари узоқлаштирди. Хавф осон бартараф этилди.

• 24'

  "Кальяри" аъзоси Лука Чеппителли ўйин қоидасини бузди.

• 23'
  

  "Кальяри" аъзоси Наитан Нандес сариқ карточка билан огоҳлантирилди.

• 21'

  Зайцнинг жарима тўпидан унумли фойдаланиши "Женоа"га натижа олиб келмади, барибир рақиб ҳимояси кучли ўйнади.

• 20'

  Наитан Нандес ("Кальяри") ўйин қоидасини бузди. Ҳакам "Женоа" фойдасига жарима зарбаси белгилади.

• 19'
  

  Бу фол жиддий бўлди. Боягина гол урган Дестро жуда қизишиб кетгани боис рақибини йиқитиб юборди ва сариқ карточка билан огоҳлантирилди.

• 19'
  

  "Женоа" яна бир бор бурчакдан тўпни ўйинга киритиб беради.

• 17'

  Кришитонинг узатмаси меҳмонлар ҳимоячиси томонидан блокланди.

• 17'
  

  Миха Зайц бурчакдан тўпни ўйинга киритиб берди, ҳимоячилар хавфли вазият юзага келтиришга ҳам қўйишмади.

• 16'

  Дестронинг зарбасини дарвозабон қайтарди, бурчак тўпи кўрамиз.

• 15'

  "Женоа" футболчиси Чиборра жарима майдончаси ичига тўпни ажойиб тарзда етказиб берди, бироқ ҳимоячилар тўпни узоқлаштира олди.

• 13'

  Меҳмонлар футболчиси Ликояннис жарима майдончаси ичига узатма амалга оширди, бироқ дарвозабон ҳаммадан эрта тўпга чиқиб келди.

• 10'
  

  ГООООООООООООООООООООЛЛЛ!!! "Женоа" ҳисобни очди! Элдор Шомуродов жарима майдончаси ичида тўпни қабул қилиб олди ва Стротманга узатди, Стротман эса зарбага қулай позицияда турган Дестрога тўпни оширди. Дестро эса дарвозани осонгина ишғол қилди! 1-0!

• 9'

  Ража Наинголан пас амалга оширди, бироқ тўпга эга чиқувчи футболчи топилмади.

• 7'

  "Кальяри" аъзоси Диего Годин қанотдан узатилган тўпни боши билан дарвозага тўғирлади, тўп бироз юқорилаб кетди.

• 6'

  "Кальяри" бурчак тўпидан хавфли вазият юзага келтира олмади.

• 5'
  

  "Кальяри"нинг ҳужумини ҳимоячилар бир амаллаб зарарсизлантиришди. Тўп бурчакдан ўйинга киритиб берилади.

• 4'

  Баллардини шогирдлари тўпни назорат қилмоқда. Рақиб хатоси пойланяпти.

• 2'
  

  "Женоа" бурчак тўпидан хавфли вазият ярата олмади. Қарши ҳужум.

• 1'
  

  Учрашув бошланди!

• 0'

  Футболчилар майдонга чиқиб келишмоқда. А Серия мадҳияси янгради.

• 0'

  Италия А Серияси 19-туридан ўрин олган "Женоа" - "Кальяри" баҳси бошланиш арафасида. Ҳамюртимиз Элдор Шомуродов ўйинни асосий таркибда бошлайди. Ўйинни сайтимиз орқали матнли кўринишда кузатиб боришингиз мумкин. Матнли трансляцияни Абдулла Маннонов боради.